കോഴിക്കോട്‌ : കാലിക്കറ്റ്‌ പ്രസ്സ്‌ ക്ലബിന്റെ കീഴില്‍ പ്രവര്‍ത്തിക്കുന്ന ഇന്‍സ്റ്റിറ്റിയൂട്ട്‌ ഓഫ്‌ കമ്മ്യൂണിക്കേഷന്‍ ആന്‍ഡ്‌ ജേണലിസം (ഐസിജെ) 2023-24 ബാച്ചിന്റെ പി.ജി. ഡിപ്ലോമ പരീക്ഷാഫലം പ്രസിദ്ധപ്പെടുത്തി.
1200-ല്‍ 1006 മാര്‍ക്ക്‌ ലഭിച്ച തോമസ്‌ ജേക്കബിനാണ്‌ ഒന്നാം റാങ്ക്‌. 896 മാര്‍ക്കോടെ മീര എം.കെ രണ്ടാം റാങ്ക്‌ നേടി. 895 മാര്‍ക്കുമായി അമയ കെ.പി മൂന്നാം റാങ്കിന്‌ അര്‍ഹയായി. റാങ്ക്‌ ജേതാക്കളില്‍ തോമസ്‌ ജേക്കബ്‌ ഇപ്പോള്‍ മലയാള മനോരമ ദിനപത്രത്തില്‍ ട്രയിനി ജേര്‍ണലിസ്‌റ്റാണ്‌. മീര എം.കെ ന്യൂസ്‌ മലയാളം 24X7 ചാനലിലും അമയ കെ.പി ഡൂള്‍ ന്യൂസിലും ട്രയിനി ജേണലിസ്റ്റുകളാണ്‌.
പൊളിറ്റിക്കല്‍ സയന്‍സില്‍ ബിരുദാനന്തര ബിരുദധാരിയായ തോമസ്‌ ജേക്കബ്‌ കണ്ണൂര്‍ ഇരിട്ടി ചരല്‍ വടക്കേമുറിയില്‍ ജേക്കബ്‌ -ലിസി ദമ്പതികളുടെ മകനാണ്‌. കാസര്‍കോട്‌ നീലേശ്വരം ബങ്കളം മൂടന്‍കുടല്‍ വീട്ടില്‍ സി.മനോഹരന്റെയും കെ. രാഗിണിയുടേയും മകളാണ്‌ മീര. അമയ വടകര വൈക്കിലശ്ശേരി കുഞ്ഞിപ്പറമ്പത്ത്‌ വീട്ടില്‍ കെ.പി ശശിയുടെയും കെ.ഷൈജയുടേയും മകളാണ്‌. പ്രൊവിഷണല്‍ സര്‍ട്ടിഫിക്കറ്റും മാര്‍ക്ക്‌ ലിസ്റ്റും നവംബര്‍ 15 മുതല്‍ ഇന്‍സ്റ്റിറ്റിയൂട്ടില്‍ നിന്ന്‌ ലഭിക്കും.
Leave a Reply